X'għandi nagħmel jekk insejt inneħħi jew nibdel iċ-ċirku vaġinali?

Iċ-ċirku vaġinali (vaginal ring) normalment jitneħħa wara 21 jum.

Jekk għaddew inqas minn 7 ijiem minn meta kien imissek tneħħieh, neħħi ċ-ċirku kemm jista' jkun malajr u agħmel il-waqfa ta' 7 ijiem mingħajru bħas-soltu. Imbagħad daħħal ċirku ġdid. F'dan il-kas, tibqa' protetta kontra t-tqala u m'hemmx għalfejn tieħu prekawzjonijiet oħra.

Jekk għaddew aktar minn 7 ijiem minn meta kien imissek tneħħieh (fi kliem ieħor, iċ-ċirku ilu ġewwa l-vaġina tiegħek għal aktar minn 28 jum), oħroġ iċ-ċirku malli tiftakar u daħħal ċirku ġdid mill-ewwel. Uża kondoms għall-ewwel 7 ijiem wara li ddaħħal ċirku ġdid. Jekk dan l-aħħar kellek sess mhux protett, ikkunsidra li tuża morning-after pill.