X'inhi d-differenza bejn Women on Web u Women Help Women?

Women on Web u Women Help Women huma ż-żewġ organizzazzjonijiet ta’ fama tajba li joffru konsultazzjonijiet onlajn lin-nisa li jeħtieġu abort f’pajjiżi fejn l-abort huwa ristrett, u jipprovdulhom pilloli tal-abort biex jużawhom id-dar. Iż-żewġ organizzazzjonijiet għandhom professjonisti mediċi li jaħdmu magħhom li jistgħu jagħtu pariri lin-nisa qabel, waqt u wara l-abort.

Meta jordnaw pilloli tal-abort, in-nisa jiffaċċjaw għażla bejn dawn iż-żewġ organizzazzjonijiet. Il-proċess biex tordna l-pilloli huwa simili bejn iż-żewġ organizzazzjonijiet. It-tnejn huma servizzi online u n-nisa jimlew konsultazzjonijiet onlajn fuq il-websajts tagħhom. Matul il-proċess ta’ konsultazzjoni n-nisa jiġu mistoqsija mistoqsijiet dwar it-tqala tagħhom, kemm ilhom tqal, dwar saħħithom, jekk jieħdux xi mediċini oħra, u jekk għandhomx xi allerġiji. Din l-informazzjoni mbagħad tiġi riveduta mit-tobba tal-organizzazzjonijiet, u jekk jitqies sigur li jiġu pprovduti pilloli tal-abort jagħmlu talba għal donazzjoni. Wara li titħallas id-donazzjoni (jew jintlaħaq xi tip ta’ ftehim jekk il-mara jkollha diffikultà finanzjarja), il-pilloli tal-abort jintbagħtu lill-mara.

Iż-żewġ organizzazzjonijiet jipprovdu combipacks li fihom Mifepristone u Misoprostol. Il-proċess tat-tal-abort bil-pilloli se jkun l-istess, irrispettivament minn liema organizzazzjoni tipprovdi l-pilloli. F’każ ta’ diffikultà waqt jew wara l-abort, iż-żewġ organizzazzjonijiet iwiegħdu li jgħinu lin-nisa li ordnaw mingħandhom billi jipprovdu informazzjoni permezz ta’ email.

Allura x'inhi d-differenza bejn dawn l-organizzazzjonijiet, tista' tistaqsi? Hawn huma d-differenzi ewlenin li jistgħu jinfluwenzaw id-deċiżjoni tiegħek dwar liema organizzazzjoni tagħżel:

Ammont tad-donazzjoni: Women on Web tipikament jitolbu lin-nisa f'Malta għal donazzjonijiet ta' madwar EUR 120. Women Help Women jitolbu inqas - madwar EUR 75.

Ħinijiet tipiċi tal-konsenja: Kunsinni minn Women on Web tipikament jaslu f'ġimgħatejn, filwaqt li dawk minn Women Help Women jaslu f'madwar tliet ġimgħat. Ftakar li l-pilloli tal-abort jistgħu jintużaw b'mod sigur id-dar sa 12-il ġimgħa ta' tqala.

Pakketti li jistgħu jiġu traċċati:Women on Web jipprovdu lill-klijenti tagħhom bin-numri tat-traċċar sabiex ikunu jistgħu jsegwu fejn wasal il-pakkett tagħhom. Women Help Women ma jipprovdux numri tat-traċċar. Il-pakketti ta' Women on Web jeħtieġu firma meta jaslu, filwaqt li dawk minn Women Help Women ma jkollhomx bżonn firma u jitqassmu bħall-ittri.